Ākona Te Reo Māori I Te Ipurangi
Te Whanake Animations
Nau mai ki Ngā Pakiwaituhi o Te Whanake. He kōwae ēnei hei tautoko i ngā pukapuka matua e whā o Te Whanake hei ako i te reo Māori. Ka whai hua mehemea ka āta ākona e koe ngā kōrero o te wāhanga o te pukapuka matua i mua o te whakamahi i ēnei mahi.
Hei tīmatanga
Kōwhiringia tō taumata
Ka tīmata ia kōwae ki te pakiwaituhi. Me āta mātakitaki, me āta whakarongo koe ki ngā pakiwaituhi kia mārama ai ngā kōrero. Ka tūtaki koe ki ētahi hoa hou kei aua pakiwaituhi, arā, ki a Te Hererīpene rātou ko Mīria, ko Eruera, ko Tarati, ko Wiremu, ko Kiwa, ko Neihana.
Ka wātea koe ki te pānui i ngā kōrero o ngā pakiwaituhi (me ngā whakapākehātanga anō hoki) kia mōhio ai koe ki ngā tikanga o ngā kupu hou ka rangona e koe. Ka rongo koe i ngā kōrero hou o te kōwae.
-
Kia mutu tō whakarongo me tō mātakitaki i te pakiwaituhi, me whakamātau koe ki te whakaoti i ngā ngohe e hāngai ana ki te pakiwaituhi. Kei te taha mauī o te mata o tō rorohiko ngā ngohe e rārangi mai ana.