Te hōiho whakamīharo

Pānuitia te kōrero paki e whai ake nei, tēnā kimihia ngā kupu e ōrite ana, ā, e hāngai ana ki te rārangi kupu e whai ake nei.

I haere he kaimahi pāmu i tētahi rangi ua ki te tāone ki te whai i te Kōti whakawā i reira. He tawhiti noa atu te wāhi hei haerenga atu māna. Nō te taenga ki tētahi hōtēra e toru māero te tawhititanga atu i te tāone, kua mākū rawa ōna kākahu; kua nui hoki te ngenge o tōna hōiho. Nā, i te mea kia ao ake te rā ka tū ai te Kōti, ka whakaaro te kaimahi pāmu me noho ia ki te hōtēra i taua pō.

Ka tuku ki raro, ka haere ki te pāra. Tē ai he tangata o reira, ko te ahi kua weto. Kātahi ka haere ki te kīhini. I reira te ahi nui e kā ana me te tokomaha o ngā tāngata e inaina ana. I hiahia ia ki te whakamaroke i ōna kākahu kei pāngia ia e te rewharewha; otirā tē nekeneke tētahi, tē tukua atu rānei ia kia tata atu ki te ahi. Ka puta mai te pononga, ka mea atu te kaimahi pāmu, ‘Kua arahina e koe taku hōiho ki te tēpara?’