Exercise one
Ko wai te pāti, ko wai te mema pāremata?
Ko wai te pāti, ko wai te mema pāremata?
Hei te Wāhanga 8 o Te Māhuri ko ētahi kōrero mō te mahi pōti ki roto o Aotearoa nei. I roto i ngā tau kua ara mai ētahi tāngata Māori kua tino ū nei ki roto i ngā āhuatanga tōrangapū, ahakoa he tautohe ki te Kāwanatanga, ahakoa te tū hei mema pāremata.
Mehemea kei te hiahia ako koe ko wai ētahi o ēnei tāngata, tirohia ngā kōrero kei te Wāhanga 8 o Te Māhuri.
He whakamārama, he tauira atu anō kei te whārangi 154-161 o Te Māhuri.
Tuatahi, tirohia te pakiwaituhi mō te Kōwae 8. Ka kite koe i tētehi kōrero i waenga i te kuia rā, i a Mīria rātou ko Eruera ko Te Hererīpene e pā ana ki te mahi pōti o Aotearoa. Whai muri ake, whakautua ngā pātai kei raro iho e pā ana ki taua pakiwaituhi.
Kei wareware ki te whakamahi i ngā piko, ngā tohu pātai, ngā kopi me ngā tohutō i ngā wāhi e tika ana.
He aha te kaupapa o tā rātou kōrero?
I whea a Eruera rāua ko Te Hererīpene i mua i tō rātou taenga atu ki te whare o Mīria?
I te kimi rāua i te aha?
Kāore anō a Mīria kia tuku i tana pōti, āe, kāo rānei?
Ki tōna whakaaro, ka tuku a Te Hererīpene i tana pōti ki tēwhea pāti?
E ai ki a Eruera, ka whoatu tana pōti ki tēwhea mema pāremata?
Nā te aha i nanakia ai te Rōpū Reipa?
E tino kaingākau ana a Te Hererīpene ki tēwhea kaupapa?
Ka whoatu a Mīria i tana pōti mema pāremata ki a wai?
I te tau 2010, ko wai te pāti i eke panuku i roto i ngā pōti mō te Whare Pāremata o Aotearoa?