Te Maramataka Māori

Te Maramataka Māori

I roto i te pukapuka o Te Kākano i ako koe i ngā ingoa Māori mō ngā marama o te tau. Ko aua ingoa he kupu i takea mai i ngā ingoa Pākehā, heoi anō, i mua i te taenga mai o te Pākehā he kupu atu anō ā te Māori mō ngā marama o te tau. Mehemea kei a koe te pukapuka o Te Māhuri ka taea e koe te ako, kua mōhio kē rānei koe ki ngā ingoa tawhito nei. Engari mehemea kāore anō koe kia kite, tirohia te whārangi 104-106 o Te Māhuri mō ngā kōrero whānui e pā ana ki ngā ingoa tūturu o ngā marama o te tau.

I roto i tēneki mahi kua rārangitia ngā marama o te tau, ko tāu mahi he kimi i te ingoa e ōrite ana o ngā kupu kei raro iho. Ko ngā ingoa o runga ko ērā o ngā ingoa Māori kua akona kētia e koe, ā, i takea mai i ngā ingoa Pākehā. Kei raro iho ko ngā ingoa Māori i takea mai i te ao Māori, ā, e haria tonutia ana e te ao Māori i ēnei rā. Whakanekehia ngā ingoa taketake ki te taha o ngā kupu mino.