He mahi atu anō – te tuhi pānui.

Ko tāu mahi i tēnei wā he hanga pānui. Kei raro iho ētahi kōrero hei āwhina i a koe. Me hāngai tāu pānui ki te matū o ngā kōrero nei, arā, he aha te kaupapa o te hui, te wā tīmata, te rā ka tū ai te hui. He aha ētahi āhuatanga matua hei maharatanga mō te hunga manuwhiri, aua tū āhua katoa.

Ā te 20 o ngā rā o Whiringa-ā-nuku, o tēnei tau kei te hui ngā mokopuna o te whānau a Tūtemakimaki. He huinga whānau tēnei mō te rautau. Mehemea he uri koe nō Tūtemakimaki tēnā whakapā mai ki a mātou, o te rārangi matua o Tūtemakimaki, kia taea ai mātou te tūtaki tahi anō, ā, kia tika ai hoki te whakarite i a koe, i a koutou hoki mō te hui whānau nei.

Ka tū te hui nei ki te marae o Kīngimakimaki, kei te takiwā o te Rāwhiti-urutonga tēnei marae, mehemea kāore anō koe kia tae atu ki tēnei marae, waea mai ki a mātou mō ngā tohutohu. Ka tīmata te pōwhiri i te 10 i te ata o te 20, ā, he wā whakawhanaungatanga whai muri tonu i te pōwhiri. Ā muri i te tina ka hui anō tātou ki waho i te whare tūpuna ki reira whakarongo ai ki ētahi kōrero e pā ana ki tō tātou tupuna, ki a Tūtemakimaki. Hei te 5 karaka i te ahiahi ka hākari ai tātou, ka inu tahi hoki ai tātou. Kua whakawātea te whare moe mō te whānau kua haere tawhiti mai, ā, mō ērā atu hoki e hiahia ana ki te noho. Ā te 21 o Whiringa-ā-nuku, kua whakaritea tētahi parakuihi, hei hākari poroporoaki mō tātou i mua i tō tātou wehenga atu. Ngā mihi whānui ki ngā uri katoa o Tūtemakimaki. Kei raro iho nei ngā nama wāea, me ngā īmērā hei pātanga atu mehemea he nawe ōu.

Nama Wāea: (07) 866 7894
Wāea Pūkoro: 022 987456
Īmērā: [email protected]