Reading exercise

He mahi pānui

Pānuitia te kōrero e whai ake nei, kātahi ka whakautu ai i ngā pātai.

He kōrerorero

Kua waea mai a Eruera ki a Te Hererīpene.

Te Hererīpene: Kia ora.

Eruera: Kia ora. Kei konā a Te Hererīpene?

Te Hererīpene: Ko au. Ko wai tēnā?

Eruera: He taniwha tēnei!

Te Hererīpene: E kāo, Eruera. He makimaki kē koe!

Eruera: Hei aha te makimaki. He taika, he raiona rānei
ahau.

Te Hererīpene: Tō hōhā hoki! He aha tō hiahia, Makimaki?

Eruera: Kua oti i ahau te tuhinga roa te tuhi. He wā
whakatā māku ināianei.

Te Hererīpene: He rawe tēnā! Kei te mahi tonu au. Kei te uaua
haere āku mahi.

Eruera: Ka aroha hoki! He pātai tāku.

Te Hererīpene: He aha tō pātai?

Eruera: Māku koe e āwhina kia oti ai tāu mahi. Ā te wā ka oti i a koe, ka taea e au tō tuhinga roa te pānui, kia taea e tāua te haere ki te kanikani?

Te Hererīpene: Ko tēhea rā o tēhea marama?

Eruera: Ko te Wenerei e heke mai nei.

Te Hererīpene: Tō tōmuri hoki! Kāore ōku kākahu.

Eruera: Hei aha te kākahu! Pēhea tēnei? Ka tae mai
au ki tō whare ināianei ki te āwhina i a koe. Ka
haere tāua āpōpō ki te titiro ki ngā kākahu.

Te Hererīpene: He whakaaro pai tēnā. I a koe e haere mai ana, māku e mahi he kapu tī māu.

Eruera: E kāo. Hei aha te kapu tī. Ka haria mai e au he
kai me te kawhe.

Te Hererīpene: He pai ake tōu whakaaro i tōku. Me hoki au ki te
mahi ināianei.

Eruera: Āe. Ka kite i a koe ākuanei. Hei konā rā.

Te Hererīpene: Ka kite anō i a koe ā tōna wā.