Exercise Three
Transposing sounds within words
Ki ētehi tāngata he rango tērā, erangi ki ētehi atu he ngaro kē
Transposing sounds within words
He ruarua noa iho ngā kupu o te reo Māori, pēnei i ngā mea e whai ake nei, kua whakawhiti ētehi wāhanga o te kupu kia noho ai tētehi kupu hou i te taha o te kupu ake:
erangi = engari but, on the contrary
ngaro = rango fly, blowfly
kongakonga = ngakongako crumbs, be crumbled into fragments
ringaringa = ngirangira hand, hands
Kei ia tangata, kei ia tangata tōna ake whakaaro ko tēwhea te kupu pai ake māna.
Tuhia te kupu o ia rerenga kōrero e whakaatu ana i te whakamārama kei runga ake nei.
Kei wareware ki te whakamahi i ngā piko, ngā tohu pātai, ngā kopi me ngā tohutō i ngā wāhi e tika ana.
Aue, titiro ki te mahi a te rango e wheo ana.
He aha ēnei? He kongakonga noa iho.
Kāore, engari mō tēnā!
Horoia ōu ringaringa i mua i te kai.
Āe, kei te mahi au, erangi, he uaua tēnei!
Tirohia ngā ngaro, kīhai koe i whakapai i te whare?
E matekai tonu ana au, kei hea te kai? He ngakongako noa iho ēnei.
Kia tūpato, poi, kaua e purua ngā ngirangira ki tērā wāhi