Exercise Six

Saying something does not belong to someone

Ehara i a ia te ika rā
Saying something does not belong to someone

Kua ākona kētia e koe tēnei kupu ‘ehara’ me ōna ritenga kei te whārangi 25 o Te Pihinga. Ināianei, me titiro ki tētehi atu ritenga o te kupu nei. Ki te tīmata te rerenga kōrero ki te kupu ‘nā’, ki te kupu ‘nō’ rānei, ko te kupu ‘ehara’ te kupu whakakāhore i taua rerenga kōrero. Ka taea e koe te kī ‘ehara nā . . .’, ‘ehara i a ...’ hoki, kei a koe te tikanga. Waiho mā ēnei tauira hei whakamārama atu:

Nō te maki tērā tūmomo urutira.
That type of dorsal fin belongs to a killer whale.

Ehara nō te maki tērā tūmomo urutira, nō te aihe kē.
That type of dorsal fin doesn’t belong to the killer whale, it belongs to the dolphin instead.

Ehara i a te maki tērā tūmomo urutira, nō te aihe kē.

Nā Hoani tēnei whakaahua o te tohorā.
This photo of the whale belongs to Hoani.

Ehara nā Hoani tēnei whakaahua o te tohorā, nā Kereama kē.
This photo of the whale doesn’t belong to Hoani, it belongs to Kereama instead.

Ehara i a Hoani tēnei whakaahua o te tohorā, nā Kereama kē.

Mō ngā kupu ‘mā’ me te ‘mō’ hoki tēnei rerenga kōrero. Anei ētehi atu tauira, tirohia mai:

Māku ngā tio nā.
Those oysters are for me.

Ehara māku ngā tio nā, māu kē.
Those oysters aren’t for me, they’re for you instead.

Mōna te tarakihana rā.
That tractor is for him.

Ehara mōna te tarakihana rā, mō Ani kē.
That tractor is not for him, it is for Ani instead.

Whakakāhoretia ngā rerenga kōrero nei.

Kei wareware i a koe ngā piko, ngā tohu pātai, ngā ira kati me ngā tohutō i ngā wāhi e tika ana.

1434078513 wireuma farm animals

Nā Te Hererīpene ngā kararehe o te pāmu.

Nō te pakakē taua urutira.

1434082483 Miria birthday Cake

Mā Kiwa tēnei keke.

1434082613 Table full Of Food

Mā Eruera ngā kai katoa.

Nō te aihe ngā pātitotito rā.


1434082834 TH massage

Mā Tarati ōna waewae e romiromi.


1434082920 Kiwa surf

Nā Wiremu te kōpapa rā.

1434082981 Miria kete

Nā Tarati rāua ko Wiremu ngā kete rā.