Ko te kīwaha

He tūmomo kōrero te kīwaha mō ngā āhuatanga maha o ia rā, mō te tangata, mō te mahi hoki, engari me uaua ka kitea te tikanga tūturu i roto i te papakupu, i te pukapuka wetereo rānei. Ki te whāia te tikanga o ia kupu, o ia kupu nā te rerekētanga o te tikanga, kāore e kitea he whakamāramatanga, kei tua kē te aronga o te kōrero. Me ako i tēnei tūmomo kōrero, arā, te kīwaha, hei whakanikoniko i tōu reo.

Mō te roanga ake o ngā kōrero mō te kīwaha, tirohia te pukapuka Te Kōhure kei te whārangi 43. He maha ngā kīwaha kua whakamāramahia i te pukapuka a Te Taura Whiri i te reo Māori, He Kohinga Kīwaha.

Anei ētahi kīwaha, ā, kei raro iho ētahi whakapākehātanga o aua kīwaha. Ko tāu mahi, me kimi i te kōrero Pākehā hei hoa mō te kīwaha Māori. Me tō e koe ia whakapākehātanga ki te kīwaha e tika ana.