Exercise Eleven

Reading Pānui

Pānuitia ngā kōrerorero e whai ake nei, kātahi ka whiriwhiri ai i te whakautu tika ki ia pātai.
Read the following dialogue, than choose the correct answer for each question.

Katarina: Tēnā koe, e kō.

Hēni: Kia ora kōrua. Kei te pēhea kōrua?

Katarina: E pai ana. E haere ana māua ki te mātaki i a Tīmoti. Kei te tākaro poitūkohu ia.

Hēni: Ka tīmata te kēmu ākuanei.

Katarina: Āhea?

Hēni: Ā te hauwhā ki te iwa karaka. Tekau mā rima meneti kua hipa. Ko wai tō hoa?

Katarina: Aroha mai. Haere mai, me tūtaki koe i taku hoa, i a Māka.

Hēni: Tēnā koe, Māka. Ko Hēni taku ingoa. Kei te pēhea koe i tēnei rā?

Māka: Te mutunga kē mai o te pai. Ko koe te whaiāipo a Tama?

Hēni: Āe, kei te tika. Me haere koe ki te mātaki i te kēmu! Ka kite atu i a kōrua ākuanei.

Māka: E kare, titiro atu, arā a Tama!

Katarina: Tēnā koe, e pā.

Tama: Tēnā kōrua. Kei te pēhea kōrua?

Māka: E kō, e hia ngā rā parakatihi a Tīmoti?


Hēni: E rua – ko ngā Tūrei me ngā Paraire hoki ngā rā parakatihi a Tīmoti. Tīmata ai te
parakatihi i te whā karaka i ngā ahiahi.

Katarina: Ka rawe hoki!

Kei wareware i a koe ngā piko, ngā tohu pātai, ngā ira kati me ngā tohutō i ngā wāhi e tika ana.

Nā wai te mihi tuatahi ki a Hēni?

Ko wai te tokorua e kōrero ana ki a Hēni?

E haere ana a Katarina rāua ko Māka ki te mātaki i a wai?


Kei te tākaro a Tīmoti i tēhea kēmu?

Āhea te kēmu tīmata ai?

“Te mutunga kē mai o te pai.” He aha te tikanga o tēnei rerenga kōrero?

Ko wai te whaiāipo a Tama?