Te pānui

Reading Te pānui

Pānuitia te kōrerorero hou. Whiriwhirihia te whakautu tika.
Read the new dialogue. Select the right answer.

Kua tae mai a Eruera ki te kāinga o Nani Mīria rāua ko Te Hererīpene.

Te Hererīpene: Tēnā koe, e hoa. E pēwhea ana koe?

Eruera: Kia ora, e hoa. Kei te pērā tonu, kei te pai ahau.

Nani Mīria: Kia ora, e tama. Ko wai tō ingoa?

Eruera: Ko Eruera taku ingoa. Nō Tāmaki-makau-rau ahau.

Nani Mīria: Ka rawe! Haere mai, e noho.

Te Hererīpene: I aha koe i tēnei rangi, e hoa?

Eruera: I haere au ki te kura.

Te Hererīpene: I aha koe i te kura?

Eruera: I ako au i tētahi waiata hou.

Nani Mīria: Kei te aha kōrua i te rā nei?

Te Hererīpene: Kei te haere mātou ki te whare pikitia.

Nani Mīria: Tokohia koutou kei te haere?

Eruera: Tokowhā.

Nani Mīria: Kei hea te whare pikitia?

Eruera: Kei te tāone. Kei muri i te whare taonga.

Nani Mīria: Mā hea kōrua haere ai?

Te Hererīpene: Mā runga pahi. Ā hea te pahi tae mai ai?

Eruera: Ā te haurua mai i te tekau karaka. Kia tere, e hoa.

Te Hererīpene: E hia te roa ki te whare pikitia? He aha te utu mō te pahi?

Eruera: Tekau mā rua kiromita te roa. Kotahi tāra, e whā tekau mā rima
heneti te utu.

Te Hererīpene: Ka pai. Me haere au ki te tiki ōku hū.

Te Hererīpene: Auē! Kua ngaro ōku hū. Nani, kua kite koe i ōku hū?

Nani Mīria: Tō koretake hoki, e moko! Kei waho i te kūaha ō hū.

Te Hererīpene: Kia ora e kui. Me haere māua ināianei. E noho rā, e kui.

Eruera: Ka kite anō i a koe, e kui.

Nani Mīria: Haere rā, kōrua. Kia pai te haere ki te whare pikitia.