Reading exercise

He mahi pānui

Pānuitia ngā kōrerorero e whai ake nei, kātahi ka whiriwhiri ai i te whakautu tika ki ia pātai.

He kōrerorero
Ka tūtaki a Hēni rātou ko Kararaina, ko Hone i a Ihaka ki te tūranga waka kei waho i te rawhi whakaaturanga.

Hēni: Tēnā koe, e tama.

Ihaka: Tēnā koutou katoa.

Hone: Kia tere! Kia kama, me kuhu tātou ki roto.

Hēni: Āe, me haere tātou. Ka taea e koe ngā kai te hoko, e moko?

Kararaina: Āe, ka taea e au. Homai koa te moni.

Hēni: Anei.

Kararaina: Mā wai te inu e hoko?

Hēni: Māu, e hine. Ihaka, māu te aihikirīmi e hoko, nē?

Ihaka: Āna. Ka taea e au te aihikirīmi te hoko.

Ka karanga mai a Kararaina.

Kararaina: E kui, tekau tāra, e ono tekau mā rima hēneti te utu mō ngā kai.

Hēni: Hone, hoatu ēnei moni ki a Kararaina. Kia horo!

Hēni: Me kuhu tātou ki roto ināianei.

Kararaina: Me haere tātou kia kite i ngā kiwi?

Ihaka: E kāo, me haere kē tātou kia kite i ngā aihe.

Hone: Āe.

Ka tirohia te mapi e Kararaina.

Kararaina: Anei, whāia mai.

Hone: Ira! He aihe.

Hēni: Kia tūpato, e Hone. Kaua e neke tata atu ki ngā aihe. Arā, Ihaka. Whakaahuatia ngā aihe.

Ihaka: Āe. Kua mau.

Hone: Me haere tātou ki tētahi atu wāhi.

Hēni: Ki whea ināianei, e moko?

Kararaina: Kia kite i ngā tuatara, i ngā wētā rānei?

Hone: Kia kite i ngā tuatara. Hoake tātou.

Ihaka: Āe, tautoko, me haere tātou.

Kararaina: Ira! He rite te tuatara rā ki a Hone, nē hā?

Hone: Kāore! Tō whakatoi hoki.

Hēni: Kua tae ki te wā tina. Kei te hiakai koutou?

Ihaka, Hone, Kararaina: Āe!