Reading exercise

Pānuitia ngā kōrerorero e whai ake nei, kātahi ka whiriwhiri ai i te whakautu tika ki ia pātai.

He kōrerorero:

Kei te taka kai a Hēmi rāua ko Piata kia haria ki te kāinga o Pita rāua ko Rīpeka.

Piata: I a wai tāku pune? Kei hea tērā ināianei?

Hēmi: E aua hoki. Ki tōku nei mōhio, i a Piripi taua pune i te ata nei. Kei a ia pea?

Ka titiro a Piata ki waho, ā, ka kite ia kei tana tama tana pune.

Piata: Auē! Homai he pune anō, Hēmi.

Hēmi: Anei. Hei aha tēnā?

Piata: Hei kaurori i taku pāreti.

Hēmi: He aha ngā kīnaki mō tēnā?

Piata: He miraka, he huka, he kirīmi, he miere hoki.

Hēmi: Mmm … He reka tēnā. He aha ngā kai mō te tina?

Piata: Me whakareri koe i te rēwena. Me mahi hoki e koe he hupa paukena.

Hēmi: Āe. He aha ngā kīnaki?

Piata: He paukena, he wai, he tote, he miraka, he pata hoki.

Hēmi: Me pēhea te mahi?

Piata: Pīhorea te paukena, tapahia kia pakupaku, ka penupenu ai. Purua ki roto i te kōhua.

Ka mahia e Hēmi.

Hēmi: Āe. Kua oti i ahau. He aha ināianei?

Piata: Purua kia rua ngā kapu o te miraka ki roto i te kōhua, kauroritia. Kīnakihia kia kotahi te pune o te pata ki roto, kauroritia anō.

Ka āpitiria te miraka me te pata e Hēmi.

Hēmi: He aha atu?

Piata: Purua te paukena ki roto. Kia tūpato, kei kai katoa te hupa e ngā tamariki!

Ka kata a Hēmi.

Hēmi: Kua mutu ahau ināianei.